Terdaram-daram

by: Jusuf Sitepu

Kai kai kai kin agi
Kai kai kai kin agi

Nduben aku terdaram-daram
Nduben aku mama karo terdaram-daram
Ndarami kena ateku ngena 2x
Kai kin turang atendu aku
Kai kin agi atendu aku
Turikenndu dagena man bangku 2x
Lit kubegi beritana
Kena lawes nadingken aku
Lit kubegi berita kena lawes nadingken aku
'Nggo bual kerina katandu ena 2x
'Di la kin kena lanai bo lit malemna

Lampas Tayang Melaun Tunduh

by: Djaga Depari

Lampas tayang melaun tunduh turang

Nginget-nginget ranandu rutang

Piah-piah 'nggo mbages berngi

Daging tayang mata la tunduh turang

Melenget meriso ertangkel sisada agi

Si man tangkelen lalap la tembe

Piah sampur iluh i mata

Daging ngalah rukur pe latih turang

La gunana ku numpah padan

Iluh ku naring ngenca mambur

Tapi bage kin gia uga ku bahan

Saja kena nari ngenca rukur

Mehuli ndube si ban arihta turang

Aku pagi bandu nindu man bangku

Tapi gundari kita 'nggo sirang

Kai salahku robah kel aku turang.

<Robah kel aku mesayang>

I Ja Sayangku Ndai

by: Djaga Depari
I ja sayangku ndai?
Tedeh kel ateku ia.
Lalap kel kam ku darami nande Bayang.

Tersungkun i bas pusuhku
I ja kel kena gundari?
Lalap kel la jumpa nande Bayang.

Ku tatap, ku bulanna meganjang.
I je me mata'ta erdemu.
Kepeken kita 'nggo 'ndauh sirang
Nande Bayang langgo nembeh.
Kepeken kita 'nggo 'ndauh sirang
Nande Bayang la megogo.

Lagu Terang Bulan

by: Djaga Depari
<versi I >
Nde sere pia rudang
Jera ni gele-geleken langge baka rudang
Nde sere pia sanggar baleng
Jera ni gele-geleken rudang ku deng-dengi
Enda meruah-ruah si rudang
Kel nina si regi-regi.

Enda meruah-ruah si rudang

Kel nina batang si regi-regi.

Lagu kai ndia nande bapa kerina

Deba i endaken kami keleng kel ateku.

Lagu kai ndia nande bapa kerina

Deba i endaken kami turang ku kelengi.

Enda mejuah-juah turang kerina simegi-megi.

Enda mejuah-juah turang kel k'rina simegi-megi.

Enda lagu terang bulan terangina Tiganderket 

Arah Tiganderket kita ku Jandi Meriah.

Andi enggo kita erkuan nande Nangin ateku leket

Ukurku si serbut 'nggo tambah meriah

Tambar malem, tambar malem.

<versi II >

Endeken kami lagu si terang bulan turang la megogo.

Endeken kami lagu si terang bulan turang la megogo.

Tare-tarena turang bintang megaris-garis.

Pala-palana kita enggo erkuan turang ku kelengi.

Pala-palana kita enggo erkuan turang ku kelengi.

Nde sirang ningen turang, kami ngandung tertngis

Nde sirang ningen pepagi, kami tangis teriluh.

Lagu siterang bulan turang la megogo

Lagu siterang bulan, bulanna meganjang.

Enggo kita erkuan turang kusayangi

Enggo kita erkuan, ulainai kita sirang, ula kita sirang!

Langit meratah, bintang megore-gore turang la megogo.

Langit meratah, bintang megore-gore turang la megogo.

Bulan meganjang turang, bulan belah purnama.

Arih-arihta pedas lah gelah jore, turang ku kelengi.

Arih-arihta pedas lah gelah jore, turang ku kelengi.

Segelah ula lasam turang, kita rusur ngerana
Gelah ula lasam mesayang, kita rusur ngerana.

< Lagu siterang bulan.... dst >

<versi III>

Endeken kami lagu siterang bulan turang la megogo

Endeken kami lagu siterang bulan turang la megogo
Tare-tarena bintang mergaris-garis

Pala-palana kita 'nggo erkuan turang la megogo
Pala-palana kita 'nggo erkuan turang la megogo
Nde sirang ningen pagi kami ngandung tertangis
Enda adinga sirang pagi kami ngandung tertangis

Lagu siterang bulan turang morah ate
Lagu siterang bulan bulanna meganjang
Enggo kita erkuan turang morah ate
'Nggo kita erkuan ulanai kita sirang, ula kita sirang!

Mejuah-juah

 by: Djaga Depari

Mejuah-juah kita kerina

Nande bapa mulia
Rikut ken tuah sangap kerina

Nantang singalah-ngalahna

Rikut ken tuah sangap kerina

Nantang singalah-ngalahna

  

Ibas kita pulung pulung metunggung
Arih ta pe ola rayu
Singuda denga ras si metua

Nantang kerina si rogana
Singuda-nguda ras ras anak perana

Jumpa atena ngena

Nampe rejeki bage kini malemen ate.

Nese mesui ate ras nipi gulut bage.

  

Ngayo tendinta jujuri Dibata

B’rena sangapNa man banta.

Ngayo tendinta jujuri Dibata

B’rena sangapNa man banta.

Pio-pio

by: Djaga Depari

O, tengah berngi si ngo-ngo

Terbegi sora pio-pio.

Tengah kesain lino seh lengetna

Ula lupa aku kerna padan pengindo.

Tengah kesain lino seh lengetna

Si ateku jadi pe 'nggo entabeh perpedemna.

Oh pio-pio tergangen min sora kena

G'lahna medak turang ateku ngena.

Rusurkel aku terlebuh, erdilo.

Turang besan la megogo

Ras 'lebuh-lebuh erpelingko.

Oh enggo me mulih dage aku

Permulihku pe bagi pertandang pertabu.

Jumpa la erkuan, lawes la erbetehen bage ndube aku

Mulih kin pe aku labo lit si ngepkep aku.

Rusurkel aku terlebuh, erdilo

Turang besan la megogo

Ras 'lebuh-lebuh erpelingko.

B'reken Pasu-pasuNdu

by: Bastanta P. Sembiring


Senang ukurku perb'an Yesus Tuhanku
Si 'ngkawali aku.
Temani aku o, Yesus Tuhanku
B'reken pasu-pasuNdu.

O, Tuhan jagai geluhku
B'reken pasu-pasuNdu.
O, Bapa alemi dosangku
B'reken pasu-pasuNdu.

'Di ras Kam o, Tuhanku
Senang geluhku.
'Di ras Kam o, Yesusku malem ukurku.
B'reken pasu-pasuNdu
B'reken pasu-pasuNdu.

Simbincar Layo

 by: Djaga Depari

Pasar malam i Pancur Batu turang

Pasar malam i Pancur Batu mesayang

Terusenna ku Kuta Buluh

Terusenna nina ku Kuta Buluh.

 

Bagi simamang kel ateku ernehen bangku turang

Bagi simamang ateku ernehen bangku si turang

Sada kel kena ngenca tambaten pusuh

Sada kena tambaten pusuh.

Si diding-diding, si-diding-diding turang

Si diding-diding-diding, si diding-diding turang besan.

Si gole, si gole ram ari turang, sigole-gole ram.
Alu-ale si diding-diding-diding, si diding-diding ari turang.

Si diding-diding, si diding-diding turang besan.

Si gole, si gole ram ari turang, si gole-gole ram.

Tanjung Morawa ertapinken lau pulah si turang

Tanjung Morawa ertapinken lau pulah turang besan.

Si erpuloken kel nina sabah simbelang

Si erpuleken sadah simbelang.

 

De kune kenca pagi kena erpenulak Nade Ginting

De kune kenca kena erpenulak Bre Biring

E me dalanna Biring'du erdalan mbelang

E me dalanna aku erdalan belang.

 

< “Si diding-diding, si-diding-diding turang ..... dst >

Kunangkihi Deleng Simole turang

Ku nangkihi Deleng Simole ari Turang

Tangkas teridah kuta Perbesi

Tangkas teridah kuta Perbesi.

 

De kune kenca pagi arihta la jore ari turang

De kune kenca pagi arihta la jore turang

Sahun me aku rate mesui

Sahun me aku turang rate mesui.

Enda meriah kel nina si kota Binje ari turang

Meriah kel nina si kota Binje turang besan.

Riahhen denga kota Jakarta,

Riahhen dengan nina kota Jakarta.

 

Enda enteran kel kuidah rupa mejile ari turang

Enterem kel kuidah rupa mejile kukelengi

Tapina kena ngenca ateku ngena

Kena kel ngenca ateku ngena.

 

< “Si diding-diding, si-diding-diding turang ..... dst >

Piso Surit

PISO SURIT adalah salah satu dari sekian banyak lagu dan syair karya komponis nasional asal Karo, Sumatera Utara, yakni: Djaga Depari (Djaga Sembiring Depari). Yang dimana, banyak kalangan mengartikannya(piso surit) ini merupakan(dalam) sebuah bentuk benda(piso). Ini adalah sebuah kekeliruan yang mungkin tidak disengaja, mengingat kata piso yang mengawalinya mengarah ke sebuah kebendaan, namun sang komponis(Djaga Depari) sendiri, sebenarnya mengarang lagu yang bertemakan asmara muda/i Karo di zaman peperangan, ini menggambarkan seorang kekasih yang sedang mencurahkan isi hatinya(berbicara) kepada alam serta burung-burung yang hinggap di pepohonan tentang kekasih yang dinanti yang tak kunjung datang. Pit-cuit (cit-cuit) suara burung yang memanggil-manggil digambarkan oleh Djaga Depari dengan kata piso surit  sebagai seorang insan yang memanggil(menanti) kekasih. Hehehehe...   

by: Djaga Depari

Piso Surit, piso Surit.

Terdilo-dilo, terpingko-pingko

Lalap la jumpa ras atena ngena. 

I ja kel kena, tengahna gundari

Siang me enda turang atena wari.

Entabeh naring mata kena tertunduh

Kami nimaisa turang tangis-teriluh.
Reff:,,,,
Enggo-enggo me dagena

Mulihlah gelah kena

Bage me nindu rupa agi kakana.}2x

Tengah kesain, keri lengetna

Rembang mekapal turang, sehkel bergehna.

Terkuak manuk ibabo geligar

Enggo me selpat turang kite-kite kulepar.

Piso Surit, piso-surit.

Terdilo-dilo, terpingko-pingko.

Lalab la jumpa ras atena ngena.

 

Mejuah-juah Taneh Karo

by: Deli Sitepu

Rulih taneh i suan, 'buah page peranin

Si ngiani ras si erlajang Mejuah-juah.

Em toto kami o, Taneh Karo kekelengen.

Mburo pusuh metedeh, rakyat'du jumpa tuah

Rikutken sangap ras dolat rejekipe tambah.

Em, sura-sura o, Taneh Karo tami pusuh.

Gia kaikin pe si bentasi'du pagi

Nisi gelah mara, nilah si biak liah;

Nese si nipi gulut kerina.

Pir-pirilah bulung si malem-malem

Gelah jumpa ate malem;

Nandangi kerina sini i gem-gem.

Taneh Karo Simalem.

O, Taneh Karo

O, taneh iimalem.

O, Taneh Karo;

O, taneh simalem.

Mejuah-juah; Mejuah-juah..

Tenah Lau Binge

By: Djaga S. Depari

Gundera lenga rirangken jera o, rudang si mayang.
Gundera lenga rirangken jera o, iketen buluh la belobo.
Enda erlumut-lumut rudang kudeng-dengi; 
Enda erlumut-lumut tapinna Selandi.

Ugapa denga ningku nirangken kena o, Nande Gintingku.
Ugapa denga ningku nirangken kena oh, Bere Tiganku la megogo.
Enda 'nggo rulut-ulut turang kusayangi;
Enda 'nggo 'rulut-ulut kena ateku jadi.

Bagekin gia ula nai kena ertenah mama Biring nindu.
Bagekin gia ulanai kena ertenah bere Iting nindu kukelengi.
Pas bagi ngayaki batuna megulang, amin ayakidu erdauhna mesayang.

E, Padang Bulan nina Simpang Selayang o, Nd. Gintingku.
Padang Bulan nina Simpang Selayang oh, Nd. Itingku la megogo.
Enda singgah aku bagenda turang, enda singgahkel aku kilometer sepuluh.

Terang bulan aku terbayang-bayang o, bere Tiganku.
Terang bulan aku terbayang-bayah o, Turang Singuda la megogo.
E, tarem nginget-nginget kena o, morahkel ateku; Piah terang wari mataku la banci tunduh.

Bagepe gia ulanai kena ertenah, mama Biring nindu.
Bagepe gia ulanai kena ertenah anak sintengah nindu.
Pas bagi ngayaki batuna megulang, amin ayakindu erdauhna mesayang.

Surat Undangen

by  : Jusuf Sitepu
vok: Jusuf Sitepu&Ulina Br. Ginting 

(p): Lanai kepe surung o, turang janjinta ndube

      Bage kepeken dungna o, turang

      La kel surung ‘ku jadi 'bulangendu(perbulangen) Nande Ginting.

      Kirimken'du pagi, surat undangen tenahken aku

      G’lah reh aku ndungisa bas lakonndu

      Gelah reh pe pehaga kerjandu e.

(w): 'Bera lit kel pagi dalinta jumpa o, turang

       Aku pe lalap ateku jadi mesayang.

(p): O.. Lawes aku

       Lawes aku mbaba pusuhku si getem e.

(p): Lanai termorahi pengindoken ndube erbahan

      Bage kepeken dungna o, turang

      Perjumpanta si ku tangisi la kesirangen.

<interlude>

(w): 'Bera lit kel pagi dalinta jumpa o, turang

       Aku pe lalap ateku tedeh mesayang.

(p): Ula erkadiola

       Erkadiola lalit gunana Nande Ginting.

(p): La kel ku morahi kesirangen arihta ndube

      Bage kepeken dungna o, turang;

      Perjumpanta si ku tangisi la kesirangen.

P : Pria
W: Wanita

by: Djaga S. Depari

Ku tatap ras ku tulihken
Taneh ingan kemulihen
Ku jamu ras ku kema-kema bage
Taneh Karo mejile
Oh, Taneh Karo Simalem
Inganta cio cilinggem
Oh, Taneh Karo Simalem
Ingan ta cio cilinggem

Meganjang kel beritana
Sebelang-belang dunia
Mehamat kel kap jelmana kerina
La kel lit si jegirna
Oh, Taneh Karo Simalem
Inganta cio cilinggem
Oh, Taneh Karo Simalem
Inganta cio cilinggem

<refrein.... >

Ikepar lawit siapai kin ndia
Kecibalenku kin ndia
Kelengkel ateku ia
La kap erleka-leka
Oh, Taneh Karo Simalem inganta cio cilinggem

Oh, Taneh Karo Simalem inganta cio cilinggem

Taneh Karo Lanaibo Banci Terlupaken

by: Bastanta P. Sembiring

Kutatap Deleng Sibaya
Ras Lau Kawar Simalem
O, Taneh Karo Simalem

Amin 'dauh kita lawes
Nadingken taneh simalem
Lanaibo banci terlupaken

<refren.... >

O, Taneh Karo
Tanehna simalem
Lanaibo banci terlupaken } 2x